Fontar brukte i orddatabasen

Desse fontane er i bruk, ordna etter dei tre hovudklassane Sans Serif, Serif og Jamnbrei, og deretter i prioritert rekkjefylgje (slik dei er spesifiserte i CSS-stilarket):

• Sans serif (overskriftar, menyar m.m.):
  • Lucida:
    • Lucida Sans Unicode (inkl. i Windows 2000 og nyare; tilgjengeleg frå prof. John Wells på University of London) — det er ein TrueType-font som kan brukast både på Linux og MacOS X — last ned og installer
    • Lucida Grande (inkl. i MacOS X)
  • Arial:
    • inkl. i Windows og MacOS X; Mac-versjonen inneheld ikkje dei samiske bokstavane, men ein modifisert versjon kan hentast frå Davvi Girji, eller ein kan nytta MS-versjonen som er tilgjengeleg frå Sourceforge, jf det siste avsnittet). Standardversjonen i Windows inneheld ikkje dei skoltesamiske teikna, men sjå neste punkt.
    • Det finst òg ein annan versjon frå MS, «Arial Unicode MS», som inneheld alle samiske teikn, inklusive skoltesamiske. Denne fonten er inkludert i Office- og Word-versjonar i det minste frå 2002-versjonen og nyare, det er mogleg at han òg er inkludert i Word/Office 2000.
  • FreeSans (fritt tilgjengeleg - heimeside)
  • Verdana (inkl. i Windows og MacOS X; Mac-versjonen inneheld ikkje dei samiske bokstavane, men ein modifisert versjon kan hentast frå Davvi Girji, eller ein kan nytta MS-versjonen som er tilgjengeleg frå Sourceforge, jf det siste avsnittet)
• Serif (brødtekst o.l.):
  • Bitstream Cyberbit, versjon 2.0 (nyare versjonar er kommersielt tilgjengelege)
  • Caslon, gratis nedlasting
  • Times (inkl. i MacOS X, manglar skoltesamiske teikn og Ŋ/ŋ (ENG))
  • Times New Roman (inkl. i Windows, versjonen i MacOS X har ingen samiske teikn)
  • FreeSerif (fritt tilgjengeleg - heimeside)
• Jamnbrei («monospace» — kjeldekode m.m.):
  • FreeMono (fritt tilgjengeleg - heimeside)
  • Everson Mono Unicode (shareware 33€)
  • Courier New:
    • Windows: inneheld ikkje skoltesamiske teikn
    • MacOS X: inneheld ingen samiske teikn utover Latin1

Fontane er valde etter desse kriteria, i prioritetsrekkjefylgje:

1. dei inneheld alle samiske teikn
2. dei er standardfontar, eller lett tilgjengelege:
   dei er inkluderte i alle ganske nye operativsystem frå Microsoft (Win2000 eller nyare) og Apple (MacOS X 10.2 eller nyare), eller er gratis tilgjengelege på Internett
3. dei er gode å sjå på, både på skjerm og papir

Microsoft sine Web-fontar, som tidlegare var tilgjengelege frå heimesidene til MS, kan ein no henta heilt lovleg og offisielt frå denne Sourceforge-sida. Installeringa er krøkkete dersom ein ikkje sit på Windows, men oppskrift og verkty for å installera dei på Linux fylgjer med.

Bitstream Vera (fritt tilgjengeleg) var eigentleg tenkt som hovudalternativet for dei kommersielle fontane inkluderte i Windows og MacOS, men skriftfamilien inneheld inntil vidare ingen samiske teikn utover det ein finn i ISO-8859-1. Det er likevel meininga at dei fleste medlemmene i familien skal få støtte for i det minste Microsoft sitt WG4(?)-teiknsett. Det inkluderer ikkje skoltesamisk, men alle dei andre samiske språka med latinsk skrift vert dekte. Skriftfamilien vil verta inkludert når teiknrepertoaret inneheld dei samiske teikna.