Sámegiela hupmanguovlu gokčá árbevirolaččat stuora oasi Norggas, Ruoŧas, Suomas ja Ruoššas, Hedmark fylkka davimus guovlluin Norggas ja Kopparberg leanas Ruoŧas, 150-300 km govda avádahkan davás ja nuorttas gitta Guoládatnjárgga nuorttamus guovlluide. Giellaguovlu ii leat oktilis, muhto dan sáhttá juohkit logi giellajovkui.

Sáme- ja suomagiela fuolkevuohta lei čielggas juo 1600-logus. Suoma-ugralaš gielaid historjjálaš ovdáneami birra sáhttá čilget giellamuora bokte.

Vaikko vel sámegielagat ásset oalle biđgolaga, erenoamážit lullin ja oarjin, de lea sámegiela guovlu čoahkis nu ahte siidaguoibmesuopmanat juohke sajis ipmirdit nubbi nuppi. li gávdno duođalaš (absoluhtalaš) gielalaš rádji .