Advearbbat
Advearbba doaibma
Advearbbaid doaibma lea oalle girjái. Sii leat máŋggalágánat. Advearbbat čilgejit dábálaččat vearbba, muhto sáhttet maiddái muitalit omd. áiggi, báikki, vuogi ja eará.
Áigi: Mon bohten dalle.
Báiki: Mon ledjen doppe.
Vuohki: Mon barggan ná.
Eará: Máhtte lea hui rikkis. Mon dahken dan golbmii. Ánun ándagassii.
Advearbbat muitalit mo, man láhkái, dahká dahje geavvá. Omd. Ánne barggai čeahpit ja joðánit. Dat manai bures, son vástidii oanehaččat.
Advearbbaid sojaheapmi
Muhtun advearbbaid sáhttá sojahit, omd: Mii barggaimet bures, dii barggaidet buorebut, muhto sii barge buoremusat.
bures gohčoduvvo positiivan, buorebut komparatiivan ja buoremusat fas superlatiivan.
| Positiiva | Komparatiiva | Superlatiiva |
|---|---|---|
| bures | buorebut | buoremusat |
| čábbát | čábbábut | čábbámusat |
| čeahpit | čeahpibut | čeahpimusat |
| čuorbbit | čuorbbibut | čuorbbimusat |
| fasttit | fasttibut | fasttimusat |
| funet | fuonibut | fuonimusat |
| hiljit | hiljibut | hiljimusat |
| njoazit | njoazibut | njoazimusat |
| siivvut | siivvubut | siivvumusat |
| somát | somábut | somámusat |
| fargga | farggabut | farggamusat |
| guhká | guhkibut | guhkimusat |
| unohasat | unuhasabut | unohasamusat |
| várrugasat | várrugasabut | várrugasamusat |
| garrasit | garraseappot | garrasepmosit |
| jođánit | jođáneappot | jođánepmosit |
| suohttasit | suohttaseappot | suohttasepmosit |
| vuohkkasit | vuohkkaseappot | vuohkkasepmosit |
Advearbbaid ja adjektiivvaid komparerema lea bahá seaguhit. Berre muitit ahte ii geavat advearbba adjektiivva sajis, ja nuppeládje. Ovdamearkkat:
| Mállet mat adnojuvvojit | Movt lea riekta |
|---|---|
| *Juhán lea gievrrabut go Máhtte. | Juhán lea gievrrat go Máhtte. |
| *Dán jagi ledje buorebut bohtosat go diibmá. | Dán jagi ledje buoret bohtosat go diibmá. |
| *Manná buoret jus ná dagat | Manná buorebut jus ná dagat. |
| *Elle lei fiidnábut go Biret | Elle lei fiidnát go Biret |