Adjektiivvat
- Adjektiiva
- Bárrastávval adjektiivvaid veardideapmi
- Bárahisstávval adjektiivvaid veardideapmi
- Oktigessojuvvon adjektiivvaid veardideapmi
- Komparatiivva ja superlatiivva geavaheapmi
Adjektiiva
Adjektiivvain leat dát sojahanhámit:
- ovttaidlohku
- geađgi lea lossat
- máŋggaidlohku
- geađggit leat lossadat
- predikatiiva
- dat lea buorre
Go adjektiiva lea predikatiivan, de sáhttá sojahuvvot ná:
- positiiva
- dat lea buorre, dat leat buorit
son lea čeahppi sii leat čeahpit - komparatiiva
- geađgi lea losit go muorra, geađggit leat
losibut go muorat
losit geađgi, losit geađggit - superlatiiva
- dát geađgi lea losimus, dát geađggit leat losimusat
- attribuhtta
- lossa geađgi, lossa geađggit
Adjektiiva attribuhta sajis ii sojahuvvo.
Bárrastávval adjektiivvaid veardideapmi
| ovttaidlohku | ||
|---|---|---|
| positiiva | komparatiiva | superlatiiva |
| bahá | bahát | bahámus |
| nuorra | nuorat | nuoramus |
| várálaš | várálaččat, váráleabbo, várálabbo | várálaččamus, váráleamos, várálamos |
| máŋggaidlohku | ||
| positiiva | komparatiiva | superlatiiva |
| bahát | bahábut | bahámusat |
| nuorat | nuorabut | nuoramusat |
| várálaččat | várálaččabut, váráleappot, várálabbot | várálaččamusat, várálepmosat, várálamosat |
Bárahisstávval adjektiivvaid veardideapmi
| ovttaidlohku | ||
|---|---|---|
| positiiva | komparatiiva | superlatiiva |
| ođas | ođđaset | ođđaseamos |
| njálggat | njálgát | njálgámus |
| boaris | boarráset, boarráseabbo | boarráseamos |
| máŋggaidlohku | ||
| positiiva | komparatiiva | superlatiiva |
| ođđasat | ođđaseappot | ođđasepmosat |
| njálgát | njálgáseappot | njálgásepmosat |
| boarrásat | boarráseappot | boarrásepmosat |
Oktigessojuvvon adjektiivvaid veardideapmi
| ovttaidlohku | ||
|---|---|---|
| positiiva | komparatiiva | superlatiiva |
| njálggis | njálgáset | njálgáseamos |
| rikkis | riggáset | riggáseamos |
| nanus | nannoset, nannoseabbo | nannoseamos |
| máŋggaidlohku | ||
| positiiva | komparatiiva | superlatiiva |
| njálgát | njálgáseappot | njálgásepmosat |
| riggát | riggáseappot | riggásepmosat |
| nannosat | nannoseappot | nannosepmosat |
Dát bárahisstávvaladjektiivvat spiehkastit sojahanminstaris,
go dát veardiduvvojit seamma minstárá mielde go
bárrástávvaladjektiivvat:
| positiiva | komparatiiva | superlatiiva |
|---|---|---|
| árrat | árat | áramus |
| allat | alit | alimus |
| gassat | gasit | gasimus |
| govdat | govddit | govddimus |
| lossat | losit | losimus |
Komparatiivva ja superlatiivva geavaheapmi
Komparatiiva- ja superlatiivavugiid sáhttá atnit sihke prediktiivan ja attribuhttan. Spiehkasteapmi: dat vuogit mat leat suorggiduvvon substantiivvas (ja muhtun báikeadvearbbat), eai sáhte leat predikatiivan.
Ovdamearkkat:
- Muitte ahte predikatiiva čuovvu vearbálá logu
Predikatiiva
Máhte biila lea stuorit go mu biila.
Máreha mánát leat stuoribut go Bireha mánát.
Lásse biila lea stuorimus.
Iŋgga mánát leat stuorimusat.
Attribuhtta
Máhtes lea stuorit biila go mus.
Márehis leat stuorit mánát go Birehis
Lásses lea stuorimus biila.
Iŋggas leat stuorimus mánát.
Lásse orru doppit viesus go Biera.